Psa 85 | ZomZIV | STEP | Tumtheih makaipa ading. Korah’ Tapate phuah. Phatna-la khat. TOPA aw, na gam na angvan a; Jacob nopsakna a ngei na bangsak hi.

a Tp 30:3

b Ms 14:19

cSelah

d Pk 32:12

Psalms 85

Tumtheih makaipa ading. Korah’ Tapate phuah. Phatna-la khat.

1 TOPA aw, na gam na angvan a;
Jacob nopsakna a ngei na bangsak hi. ^a
2 Na mite tatkhialhna na maisak a, ^b
amau mawhnate khempeuh na khuhsak hi. ^c
3 Na thangpaihna khempeuh na pampaih a,
na hehluatna na kiheisan hi. ^d
4 Kote Honpa Pasian aw, kote a ngei hong bangsak kik inla ^e
ko tunga na lungkimlohnate beisak in.
5 Kote tungah heh den ding na hi hiam? ^f
A khangkhangte tungah na hehna zomsuak ding na hi hiam?
6 Na mite in nang sung nuam a sak nadingin ^g
kote hong puahpha lo ding na hi hiam?
7 TOPA aw, na itna kip kote hong lakin,
na hotkhiatna kote hong pia in.
8 TOPA Pasian thugen ka ngai ding hi;
amah in ama mite, a misiangte tungah lemna hong kham hi - ^h
ahi hangin amaute haina lamah kihei kei uh hen. ⁱ
9 A minthanna i gam ah a ten theih nadingin ^j
amah a kihtate, a hotkhiatna in a nai takpi hi.
10 Itna le muanhuaina kituakkhawm uh a, ^k
thumaanna le lemna a kitawp thuk uh hi. ^l
11 Lei panin muanhuaina phulkhia a,
thumaanna in van pan ensuk hi. ^m
12 TOPA in a hoih pia taktak dinga, ⁿ
i gam in anlak dinga gahsak ding hi. ^o
13 Ama mai-ah thumaanna pai-a
a kalsuan nading lampi a sial kholhsak hi.